خبيزات بالكفة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

المقادير :
300 غ فرينة
ملعقتين سكر
2 ملاعق كبار حليب غبرة استعملت حليب سائل
2 ملاعق صغار خميرة
حبة بيضة مضربة ندو النصف فقط ونخلو النصف الاخر
2 ملاعق كبار زبدة لينة
2 ملاعق صغار ملح
ماء دافىء حوالي 80-95 ملل باه نلمدو العجينة
طريقة التحضير:

نقوم بخلط جميع المقادير المدكورة الفرينة+سكر+لحظة+نصف الحبة بيض+زبدة+ملح+خميرة وماء يساعدنا باه نلمد العجينة حتى نتحصل على عجينة طرية نتركها ترتاح ومبعد نشكلها حربوش ثم نثنيه لنتحصل على شكل ثمانية ونتركها ترتاح والصورة توضح اكثر

إضغط هنا لرؤية الصورة بحجمها الطبيعي.

بعد ماترتاح العجينة ندهنها بالبيض الباقي ثم نقم بوضع الحشوة والحشوة كيما تحبي
الحشو لي ستعملتو كان كفتة قليتها في شوية زيت مع بصل و ملح و فلفل اسود و قرفة و خليتها على نار قليلة متزيديش الماء حتى لي طيب
الحشو لي كان في النات
الحشوة متكونة من طون+زيت زيتون+فرماج مقطع قطع صغيرة+بيض مغلي مقطع+شوية ملح+مايوناز ثم نقوم برشه من فوق بالسانوج وندخله الفرن عند الاحمرار نخرجة وبالصحة

إضغط هنا لرؤية الصورة بحجمها الطبيعي.

و الصراحة جات بنينة

*************

لي شو مالحين

إضغط هنا لرؤية الصورة بحجمها الطبيعي.

هذا رابط للعجينة بالصور للاخت remadna الله يحفظها و يبارك فيها

http://www.djelfa.info/vb/showthread.php?t=559676

السر هو في طهييها لازم دخليهم في فرن مسخن من قبل على درجة 220 10د ثم تنقصي النار حتى 180 و تخليهم 20د او اكثر ملزمش تفتحي الفرن و كي طفي الفرن خليهم فيه حتى لي يبردو فتحي غير شوية الفرن و خليهم فيه
توجدي لي شو عاديني غير متزيديش السكر


العمارة

صفار بيض مغلي +مايوونيز+و طون تخلطيهم مليح تقدري تزيدي زيتون مقطع و ماييز نتاع السلطات

و تفتحي الشو في الوسط لازم تلقيها خاوية من داخل و تعمري بيها الشو


***************************

لي كورني بكفتة الديك الرومي

إضغط هنا لرؤية الصورة بحجمها الطبيعي.

العجينة المورقة اذا حبيتي نعطيك طريقة صنعها صنعتها في البيت
هبرة الديك الرومي طحنتها غير شوية
و قليتها مع شوية زبدة و بصل و ملح + فلفل اسود+سكنجبير
حتى لي طاب + مغرف فرينة+ 2 مغارف حليب و خلطي مليح يعني تولي كيما البشاميل
زيدي حبة فرماج او 2 او فرماج رابي
و معدنوس مقطع رقيق خلطي و عمري بيهم لي كورني


هذي طريقة صنع الكورني اخدتها من النات
نقوم بطرح العجينة وتقطيعها مستطيل باجرارة نتاع القريوشة ونقوم بلفها على القالب ثم نقوم بدهنها بالبيض ورشها بالسانوج ونقوم بادخالها الفرن يكون ساخن مسبقا وعند احرارها نخرجها ونخليها تبرد ماتنحوش القالب حتى تبرد مليح ونحيها

انا بدلت الحشو و هي دايرة سانوج انا درت الجلجلان حتى نبدل في المعجانت الاخرى كنت درت السانوج

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

 
 حلوة الفستقية

مصورتش الوصفات بصح اخدتهم من النات و هذي الطريقة

إضغط هنا لرؤية الصورة بحجمها الطبيعي.

*المقادير*
للعجينة
250غ فرينة
75غ زبدة طرية
رشةملح
نكهة البيستاش
ملون غذائي اخضر
ملعقة صغيرة فانيليا

ماء عادي+ماء الزهر


للحشو
500 غ لوز مطحون انا استعمل الكوكاو
250غ سكر قلاصي اذا استعملتي الكوكاو نقصي من السكر 175 غ
1مغرف صغيرة فاني
2حبات بيض
ملعقة صغيرة ماء الزهر

الطريقة

للحشو
نخلط اللوز والسكر والفاني والماء الزهر و نجمع بالبيض ونشكلها كرات بحجم حبة جوز

للعجينة
نخلط الفرينة والزبدة والملح والفاني و نخلط جيدا
نرشها بماء الزهر ونضيف نكهة البيستاش والملون الغذائي
نجمع العجينة ونتركها ترتاح لمدة 10دقائق

نحل العجينة بواسطة الحلال ونقوم بتقطيعها مربعات كبار
نمررها في الة العجين في رقم 1 ثم 3 ثم 5 و في الاخير في رقم 7
نقطعها على شكل المول ومن الاحسن يكون الشكل مربع

نضع العجينة في المول ونضع في كل واحد كرة من الحشو وباليد نحاول نبسطها
نقوم بثقب السطح بواسطة عود ثقاب
العجينة الباقية نمررها في الالة في رقم 2 و4
نقصها شرائط ونحاول ندخلها في بعضها على شكل وردة ونضعها فوق الحلوى

انا قطعت دائر مشرشفة و طويتها على 2 و قعدت نستف فيها و من بعد برمتها من الاسفل و خرجتلي وردة

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

الجهة الاخرى نضع عليها بيستاش مجموع ببياض البيض

إضغط هنا لرؤية الصورة بحجمها الطبيعي.

ندخلها الفرن لمدة 20دقيقة و عند خروجها نتركها تبرد ثم نعسلها في عسل ساخن ونتركها مدة ونزيد نعسلها من فوق للحصول على لمعة

إضغط هنا لرؤية الصورة بحجمها الطبيعي.